monumenta.ch > Hieronymus > sectio > csg456.198 > csg48.51 > XXXII. FORMULA QUA MONETA COMMITTITUR. > csg456.281 > 23 > uwbM.p.th.q.1a.291 > sectio 25 > csg456.57 > XXVII. TUTIZAR SAIONI THEODERICUS REX. (a. 508/511) > XXIIII. HELPIDIO DIACONO THEODERICUS REX. (a 507/511) > sectio 8 > csg456.145 > XVIII. FORMULA PRAEFECTURAE ANNONAE. > sectio 18 > > Genesis, 18 > 5 > sectio 21 > sectio 22 > sectio 29 > sectio 23 > sectio 24 > sectio 21 > sectio 21 > csg456.67 > VIII. FORMULA PRAEPECTURAE VIGILUM URBIS RAVENNATIS. > sectio 40 > csg456.147 > sectio 8 > sectio 1 > Lucas, 1 > sectio 20 > csg456.223 > sectio 13 > bnfGrec107.253 > sectio 55 > bnf9389.431 > bsbClm6224.53 > csg456.92 > sectio 5 > uwbM.p.th.f.69.66 > sectio 19 > sectio 48 > XXII. ARGOLICO V̅ · I̅ · P̅ · U̅ · THEODERICUS REX. (a 510/511) > uwbM.p.th.q.1a.276 > Genesis, 33 > ad Romanos, 8 > csg844.158 > sectio 4 > sectio 6 > bnf10439.215 v > sectio > sectio 7 > sectio 1 > sectio 1 > XXIII. ARIGERNO V̅ · T̅ · COMITI THEODERICUS REX (a. 510/511) > QUANDO PERMILITAT. > sectio 2 > csg456.12 > sectio 7 > sectio 16 > csg456.276 > 330 > bnfGrec107.387 > csg456.159 > 30 > XLIII. FORMULA PROBATORIAE CHARTARIORUM. > bnf10439.215 r > Isaias, 2 > sectio 17 > I. HILDERICO REGI VVANDALORUM ATHALARICUS REX. (c. a. 526) > XLVII. GUDISAL SAIONI THEODERICUS REX. (a. 507/511)
Cassiodorus, Variae, LIBER QUARTUS, , XLVI. MARABADO V̅ · T̅ · THEODERICUS REX (a. 507/511) <<< >>> XLVIII. EUSEBIO V̅ · T̅ · THEODERICUS REX. (a 507/511)
Cassiodorus, Variae, LIBER QUARTUS, XLVII. GUDISAL SAIONI THEODERICUS REX. (a. 507/511)
1 Assidua sollicitudine refovenda sunt, quae continuis exercitiis subiacere noscuntur.2 quemadmodum enim subvectio veredorum necessario sufficiat labori, si permittatur excedi? incitamentum siquidem improbae praesumptionis est neglecta custodia.3 legatorum itaque nostrorum suggestione comperimus cursuales equos frequenti usurpatione fatigari et quos nos necessitatibus publicis cupimus custodiri, in usum cognovimus privatae voluntatis assumi.4 Atque ideo in urbe Roma ordinatione praefecti praetorio et magistri officiorum, quousque utilitas publica suaserit, te residere censemus, ut nullum Gothorum vel Romanorum exinde egredi patiaris, nisi quos praedictarum dignitatum vices agentes forte dimiserint.5 Et quod nobis frequenter usurpatum esse suggeritur, si quis invitis his quibus haec cura mandata est, veredos praesumere fortassis assumpserit, cuiuslibet nationis fuerit vel honoris, per unum equum centum solidos multae nomine cogatur inferre: non quod tanti aestimanda est unius iumenti laesio, sed quia grandi damno reprimenda est importuna praesumptio.6 Nullum praeterea saionum discursus facere patiaris, sed ad causam, quam directus fuerit, uno tantum itinere permittatur accedere vel redire.7 quibus in superiorem multam cadat interdicta frequentia.8 Parhipporum quin etiam onera centum librarum nullus excedat.9 expeditos enim properare mittendarios volumus, non migrare censemus.10 inertiam suam prodit quisquis secum multa portaverit, nec cogitat de celeritate qui delicata se maluerit conversatione tractare.11 grues denique pelagus transiturae parvos lapillos uncis pedibus amplectuntur, ut nec eorum levitas nimio vento rapiatur nec nativa celeritas iniquis ponderibus ingravetur.12 hoc imitarine queunt, qui se ad publicas necessitates electos esse cognoscunt? et ideo quinquaginta solidorum multam iam non veredarius, sed catabolensis incurrat, quisquis ultra centum libras parhippum crediderit onerandum.13 His autem, qui supra scriptarum dignitatum vicibus in urbe praesunt, te observare praecipimus, quatenus excessus, qui ab illis detectus fuerit, exsecutione tua supra dicta condemnatione puniatur.14 si quos autem intemperans culpa perculerit, collectam quantitatem per vices agentes mancipibus mutationum volumus applicari, ut cursualis tractus inde habeat remedium, unde hactenus sumpsit incommodum.15 Mundanis siquidem rebus frequenter nascitur de adversitate prosperitas et homines cum laedere cupiunt, beneficia frequenter impertiunt.16 sed omnia sic efficaciter ac diligenter implebis, ut provocati bonis actibus devotioni tuae maiora committere debeamus.
Cassiodorus HOME
bnf2923.201